لاہور(سپورٹس رپورٹر)پاکستان سپر لیگ کے نویں ایڈیشن کیلئے فرنچائزز نے ری ٹین کھلاڑیوں کے ناموں کا اعلان کر دیا۔ پی ایس ایل کی ٹیم لاہور قلندرز نے شاہین شاہ آفریدی، حارث رؤف ، ڈیوڈ ویسا، سکندر رضا، عبداللہ شفیق، زمان خان، مرزا طاہر بیگ اور راشد خان کو ری ٹین کیا ہے۔ فخرزمان کو ریلیز کر دیا ۔حارث رؤف کو برانڈ ایمبیسڈر مقرر کیا گیا ہے۔کراچی کنگز نے جیمز ونس،حسن علی، شان مسعود ، شعیب ملک ، تبریز شمسی، میر حمزہ ، محمد اخلاق اور محمد عرفان خان کو ری ٹین کیا جبکہ محمد عامر کو ریلیز کر دیا ہے۔ شان مسعود ملتان سلطانز سے کراچی کنگز کی ٹیم میں شامل ہوئے تھے جبکہ ان کی جگہ فیصل اکرم ملتان سلطانز کا حصہ بنے ہیں۔کراچی کنگز نے شان مسعود کو برانڈ ایمبیسڈر بھی مقرر کر دیا ہے جبکہ ان کو کپتان بھی بنائے جانے کا امکان ہے۔پشاور زلمی نے بابر اعظم ، راومین پاؤل ، صائم ایوب ، ٹام کوہلر کیڈمور ، محمد حارث، عامر جمال، خرم شہزاد اور حسیب اللہ خان کو ری ٹین کیا محمد حارث کو برانڈ ایمبیسڈر بھی مقرر کیا گیا ہے۔کوئٹہ گلیڈی ایٹرزنے رائلی روسو، وسیم جونیئر، جیسن رائے، وانندو ہسارنگا، محمد حسنین ، ابرار احمد ، سرفراز احمد، ول سمیڈ کو ری ٹین کیا محمد نواز کو ریلیز کیا ہے۔ سرفراز احمد کو برانڈ ایمبیسڈر مقرر کر دیا ہے۔ملتان سلطانز کی ٹیم میں محمد رضوان ، افتخار احمد اور خوشدل شاہ بھی برقرار ہیں جبکہ ری ٹین فہرست میں اسامہ میر، عباس آفریدی ، احسان اللہ بھی شامل ہیں۔اسلام آباد یونائیٹڈ نے شاداب خان ، نسیم شاہ ، اعظم خان، عماد وسیم ، فہیم اشرف، ایلیکس ہیلز، کولن منرو اور رومان رئیس کو ری ٹین کیا فہیم اشرف کو برانڈ ایمبیسڈر مقرر کیا ہے۔ا ڈرافٹ 13 دسمبر کو لاہور میں شیڈولڈ ہے۔