جونیئر ہاکی ورلڈ کپ ‘پاکستان کوارٹر فائنل میں پہنچ گیا
لاہور(سپورٹس رپورٹر) پاکستان جونیئر ہاکی ورلڈ کپ کے کوارٹر فائنل میں پہنچ گیا ۔ ملائیشیا کے شہر کوالالمپور میں جاری میگا ایونٹ میں پاکستان اور بیلجیئم کے درمیان مقابلہ ایک ایک گول سے برابری پر ختم ہوا۔ حریف ٹیم نے کھیل کے پہلے ہی ہاف میں گول کرکے برتری حاصل کی ۔ پاکستان کے ارباز احمد نے تیسرے ہاف میں پنالٹی کارنر پر گول کرکے مقابلہ ایک ایک گول سے برابر کردیا ۔ پاکستان کا کوارٹر فائنل میں مقابلہ سپین سے ہوگا۔
