کرک (نوائے وقت رپورٹ) خیبر پی کے کے ضلع کرک میں پلاسٹک کے بڑے تھیلوں میں موجود قدرتی گیس میں آگ لگنے سے 10  بچے جھلس گئے۔ تحصیل بانڈہ داؤ شاہ گاؤں عیسک خماری میں پلاسٹک بیگز میں گیس بھرنے کے دوران آگ بھڑکنے کا واقعہ پیش آیا۔ زخمی بچوں کو تحصیل پیڈ کوارٹر سپتال منتقل کیا گیا۔ بعض بچوں کی حالت تشویش ناک ہے جنہیں کوہاٹ ہسپتال لے جایا گیا ہے۔کے پی میں گھروں میں قدرتی گیس کی عدم فراہمی کے سبب لوگ سوئی ناردرن کی مین ڈسٹری بیوشن لائن میں سوراخوں سے وال لگا کر پلاسٹک کے تھیلوں میں گیس بھر کر گھر لے جاتے ہیں۔ چلتے پھرتے یہ بم بڑے حادثے کا سبب بن جاتے ہیں۔