لاہور(سپورٹس رپورٹر)پاکستان ویمنز کرکٹ ٹیم آج اتوار کی دوپہر ہیگلی اوول میں ٹریننگ سیشن میں حصہ لے گی۔نیوزی لینڈ ویمنز کرکٹ ٹیم کو تین ون ڈے انٹرنیشنل میچوں کی سیریز میں دو صفر کی فیصلہ کن برتری حاصل ہے۔ دونوں ٹیموں کے درمیان سیریز کا تیسرا میچ کل کھیلا جائیگا۔ پاکستان ویمن ٹیم کی کپتان ندا ڈار نیوزی لینڈ کے خلاف 18 دسمبر کو کرائسٹ چرچ کے ہیگلے اوول میں کھیلے جانے والے تیسرے ون ڈے میچ سے باہر ہو گئی ہیں۔ ڈاکٹر اور ٹیم فزیو کی طرف سے معائنہ کے بعد ندا ڈار کی طبیعت میں پچھلے دو دنوں سے کافی بہتری آئی ہے تاہم کھلاڑی کی صحت کو مدنظر رکھتے ہوئے ندا ڈار کو مزید آرام کا مشورہ دیا گیا ہے اور اس لیے وہ آخری میچ کیلئے دستیاب نہیں ہوں گی۔