لاہور+کراچی (سپورٹس رپورٹر) ساتویں چیف آف دی نیول اسٹاف اوپن شوٹنگ چیمپئن شپ 17 سے 24 دسمبر 2023 ء تک جاری رہے گی۔ چیمپئن شپ میں پاکستان بھر سے تقریباً 400 شوٹرز جن میں 3  اولمپینز، ساؤتھ ایشین گولڈ میڈلسٹ اور دیگر نامور شوٹرز شامل ہیں۔ ٹورنامنٹ میں رائفل، پستول اور شاٹ گن کیٹیگریز میں انٹرنیشنل سپورٹس شوٹنگ فیڈریشن سے منظور شدہ 20 مقابلے کھیلے جائیں گے۔ بگ بور پسٹل، 50M اور 0.22 اوپن سائٹ کیٹیگریز کے 4 اضافی مقابلوں کو بھی ایونٹ کے شیڈول میں بطور فیسٹیول میچز شامل کیا گیا ہے۔ چیمپئن شپ کے تمام میچز نیشنل رائفل ایسوسی ایشن آف پاکستان کے زیر اہتمام انٹرنیشنل سپورٹس شوٹنگ فیڈریشن اور نیشنل رائفل ایسوسی ایشن آف پاکستان کے قواعد و ضوابط کے مطابق کھیلے جائیں گے۔