پشاور (آئی این پی )  خیبرپی کے پولیس نے ٹارگٹ کلنگ گروہ کے افغان سرغنہ کی تفصیلات جاری کردیں۔ پولیس کی جانب سے جاری دستاویزات کے مطابق دہشتگرد ظفر کالعدم تنظیم کا کارندہ اور افغانستان کا باشندہ تھا جس نے 2 سکھ، 2 کرسچن اور 5 مذہبی رہنماوں کو قتل کیا تھا۔ دستاویزات کے مطابق مطلوب افغان ٹارگٹ کلر ظفر پولیس مقابلے میں مارا گیا تھا، ہلاک دہشتگرد سے موٹرسائیکل، پستول اور 2 موبائل فون برآمد کیا تھا۔