لاہور(سپورٹس رپورٹر)چیف آف نیول سٹاف شوٹنگ چیمپئن شپ میں نیوی کی برتری بدستو قائم ہے۔پانچویں روز 3 گولڈ میڈل نیوی کے نام رہے جبکہ ایونٹ میں نیوی 44 میڈلز کیساتھ ٹاپ پوزیشن پر ہے۔ پانچویں روز مزید 4 ایونٹ ہوئے،  3 میں نیوی نے گولڈ میڈل جیتے۔ نیوی نے اب تک 44 میڈلز اپنے نام کرکے چیمپئن شپ میں فیصلہ کن برتری حاصل کرلی ہے، جس میں 25 گولڈ 11 سلور اور 8 برونز میڈلز شامل ہیں۔ایئر فورس نے 10 میڈلز حاصل کئے، جس میں ایک گولڈ 5 سلور اور 4 کانسی کے تمغے شامل ہیں۔ہائر ایجوکیشن نے 11 میڈلز جیتے ہیں تاہم سونے کا کوئی تمغہ نہ ہونے کے سبب اْن کی تیسری پوزیشن ہے۔