لاہور (نیوز رپورٹر) لاہور پریس کلب کے سالانہ انتخابات 2024ء شیڈول کے مطابق 24 دسمبر بروز اتوار بوقت صبح 9 بجے سے شام 6 بجے تک منعقد ہو رہے ہیں۔چیئر مین الیکشن کمیٹی سعید آسی نے کہا ہے کہ انتخابات میں ووٹ کا حق استعمال کرنے کیلئے اصل شناختی کارڈ کا ہمراہ ہونا لازم ہے جس کے بغیر کسی صورت ووٹ کاسٹ کرنے کی اجازت نہ ہوگی۔ معزز ممبران پاکستان کے دل لاہور شہر میں صحافیوں کے سب سے بڑے ایونٹ میں سابقہ روایات کی طرح بھرپور شرکت کر کے اور جمہوری طریقے سے اپنے ووٹ کا حق استعمال کر کے اس ایونٹ کو چار چاند لگائیں۔