الہ آباد/ٹھینگ موڑ (نمائندہ نوائے وقت)نواز شریف چوتھی مرتبہ وزیراعظم بن کر خوشحالی لائیں گے ۔ 8 فروری کو شیر ایک مرتبہ پھر پورے ملک میں کامیابی کی نوید بنے گا سابق ممبر قومی اسمبلی ملک رشید احمد خان نے اپنے آبائی حلقے این اے 132 قصور سے پاکستان مسلم لیگ کے صدر میاں شہباز شریف کو الیکشن لڑنے کی دعوت دیکر مسلم لیگی ہونے کا حق ادا کر دیا ہے ان خیالات کا اظہار سابق مشیر دفاع وزیر اعظم ملک محمد احمد خان نے امیدوار صوبائی اسمبلی پی پی 180 ملک مظہر رشید خان ‘ ملک اعجاز احمد خان کے ہمراہ نوائے وقت سے گفتگو کرتے کیا اس موقع پر فاروق اکبر ڈوگر، میاں منور طاھر، چوھدری علی عمران، چوہدری ہارون اسمعیل ،سید عبد الرحمن شاہ ،محمود قیصر ودیگر بھی موجود تھے ۔