گوجرانوالہ(نمائندہ خصوصی )دیرینہ دشمنی پر ملزمان نے فائرنگ کرکے اپنے مخالف کو موت کے گھاٹ اتار دیا، نعش ہسپتال منتقل ، پولیس نے مقدمہ درج کر لیا ، بتایا گیا ہے کہ مہر اور رحمانی گروپس کے درمیان دیرینہ دشمنی چلی آرہی تھی ، فیصل کالونی میں مہر گروپ کا تنویر کھڑا تھا جہاں پر مخالف گروپ کے افراد بھی آگئے ،جن کا آپس میں جھگڑا ہو گیا اس دوران ملزمان نے فائرنگ کر اپنے مخالف کو موت کے گھاٹ اتار دیا ، تاہم واقعہ کی اطلاع پا کر تھانہ کھیالی پولیس بھی موقع پر پہنچ گئی ،پولیس نے مقتول کی نعش کو ضروری کارروائی کیلئے ہسپتال منتقل کیا۔