لاہور (سپورٹس رپورٹر) پریذیڈنٹ ٹرافی کرکٹ ٹورنامنٹ میں کھیلے جانیوالے دوسرے رائونڈ میں واپڈا نے ہائر ایجوکیشن کمیشن کو4وکٹوں سے شکست دیدی۔یہ اس ٹورنامنٹ میں واپڈا کی دوسری کامیابی ہے۔ اس نے پہلے میچ میں کے آر ایل کو 48رنز سے شکست دی تھی۔ پریذیڈنٹ ٹرافی کا تیسرا رائونڈ 28دسمبر سے شروع ہوگا جس میں ایس این جی پی ایل کا مقابلہ سٹیٹ بینک آف پاکستان سے سٹیٹ بینک سٹیڈیم میں ہوگا۔ کے آر ایل کی ٹیم یوبی ایل سپورٹس کمپلیکس میں ہائر ایجوکیشن کمیشن کا سامنا کرے گی جبکہ نیشنل بینک سٹیڈیم میں غنی گلاس اور پی ٹی وی کی ٹیمیں مدمقابل ہونگی۔