جامعہ فتحیہ میں سالانہ دستار فضیلت تقریب 30دسمبر کوہو گی
لاہور(خصوصی نامہ نگار) جامعہ فتحیہ ذیلدار روڈ اچھرہ میں سالانہ دستار فضیلت تقریب 30دسمبر بروز ہفتہ بعد نماز ظہر ہو گی۔ یہ پر وقار تقریب جامعہ کے صدر سابق ایم پی اے مسلم لیگ (ن) کے این اے 128کے نامزد امید وار حافظ میاں محمد نعمان کی زیر صدارت اور جامعہ کے مہتمم میاں محمد عفان کی زیر نگرانی ہو گی۔ اس میں مہمان خصوصی وفاق المدارس العربیہ پاکستان کے ناظم اعلیٰ مولانا قاری محمد حنیف جالندھری، مولانا حافظ فضل الرحیم اشرفی، قاری احمد میاں تھانوی کے علاوہ جید علماء کرام و مشائخ عظام شرکت و خطاب کریں گے۔اس تقریب کے انتظامات کو حتمی شکل دینے کے لیے اہم اجلاس جامعہ کے ناظم تعلیمات مولانا عبداللہ مدنی کی زیر صدارت ہوا جس میں تمام امور زیر بحث لائے گئے اور کمیٹیاں بھی تشکیل دی گئیں۔
