گوجرانوالہ(نمائندہ خصوصی)سٹی پولیس آفیسرمحمد ایازسلیم کی ہدایات پرگوجرانوالہ اوروزیرآباد پولیس نے ایس ایس پی آپریشنزفرازاحمد کی قیادت اورایس ایس پی انویسٹی گیشن رضوان طارق کی نگرانی میں ضلع بھر میں جرائم پیشہ عناصرکیخلاف خصوصی کارروائیاں کیں ، رواں سال کے دوران منشیات فروشوں کیخلاف دوہزارآٹھ سو ستتر مقدمات درج کر کے تین ہزار سے زائد منشیات فروشوں کوگرفتارکیاگیا،گرفتار ملزمان کے قبضہ سے 2ہزارآٹھ سو45 کلو گرام چرس،بارہ کلو نو سو ستانوے گرام ہیروئن، تین کلو دوسو ستر گرام آئس،چھ سو کلو گرام سے زائد افیون ،سولہ ہزار تین سو بانوے لیٹر شراب اورسنتالیس چالو بھٹیاں برآمد کی گئیں۔سی پی او نے کہا کہ نوجوان نسل کے محفوظ مستقبل کیلئے منشیات سے پاک معاشرے کی تشکیل میں اپنا موثر کردار ادا کرتے رہیں گے۔