سرگودھا،مبینہ مقابلہ میں پولیس کانسٹیبل زخمی‘2ڈاکو ہلاک ہو گئے
سرگودھا(این این آئی)مبینہ پولیس مقابلہ میں پولیس کانسٹیبل زخمی اور 2ڈاکو ہلاک ہو گئے۔جن کو ہسپتال منتقل کر دیا گیا اورپولیس فرار ہونے والے ملزمان کی تلاش میں سرچ آپریشن کرتے ہوئے مصروف تفتیش ہے۔ سرگودھا لالہ موسی ریلوے لائن کے جنکشن ملکوال کے علاقہ میں ڈکیتی و قتل کے ملزمان کی گرفتاری کے لئے جہلم پولیس نے چھاپہ مارا تو ملزمان کی جانب سے پولیس پارٹی پر فائرنگ سے مبینہ پولیس مقابلہ میں پولیس کانسٹیبل ذیشان شدید زخمی اور ملزمان کی فائرنگ سے ان کے اپنے ساتھی 2 ڈکیٹ نثار عرف سارو اورعدنان ہلاک ہوگئے۔جو چند یوم قبل شہری فہد کو ڈکیتی کے دوران قتل کرنے سمیت متعدد ڈکیتی کی وارداتوں میں ملوث ہیں۔ وقوعہ میں ہلاک ڈکیت کی نعشیں اور زخمی کانسٹیبل کو ہسپتال منتقل کر دیا گیا۔تاہم جہلم پولیس اورملکوال پولیس موقع سے فرار ہونے والے ملزمان کی تلاش میں سرچ آپریشن کرتے ہوئے مصروف تفتیش ہے۔
