اسلام آ باد (آئی این پی ) سابق سیکرٹری خارجہ ریاض کھوکھر انتقال کر گئے۔ پیپلز پارٹی کی رہنما شیری رحمن نے ریاض کھوکھر کے انتقال پر افسوس کا اظہار کرتے ہوئے کہا ہے کہ  ریاض کھوکھر ہمیشہ ترقی پسند پاکستان کے مضبوط حامی تھے۔ شیری رحمن نے کہا کہ ریاض کھوکھر اپنا فکری سرمایہ تقسیم کرنے کے لیے ہمیشہ تیار رہتے تھے۔ انہوں نے ریاض کھوکھر کے اہلخانہ اور چاہنے والوں سے دلی تعزیت کا اظہار کیا ہے۔  یاد رہے  ریاض کھوکھر چین ، بھارت اور امریکہ میں  سفیر رہے  وہ طویل عرصہ سے بیمار تھے ۔