لاہور(نامہ نگار)ڈولفن ٹیم کو کال موصول ہوئی کہ باغبانپورہ میں دو ڈاکو گن پوائنٹ پر پیزا ڈلیوری بوائے سے واردات کر کے فرار ہو گئے ہیں۔ڈولفن ٹیم نے تعاقب کے بعد قائد اعظم انٹرچینج کے قریب دونوں ڈاکوؤں کو گرفتارکر لیا ۔ گینگ کے دو ساتھی کار پر دیگر ساتھیوں کو بیک اپ دے رہے تھے۔گرفتار ڈاکولوٹا ہوا سامان اپنے کار سوار ساتھیوں کو پکڑا دیتے تھے۔ پولیس نے ڈاکوؤں کے قبضے سے پستول،چھینا ہوا سامان،موٹر سائیکل اورکار برآمد کرلیا۔