غزہ (نیٹ نیوز) اسرائیلی حملوں سے در بدر ہونے والی فلسطینی خاتون کے ہاں بیک وقت چار بچوں کی ولادت ہوئی ہے، قبل از وقت پیدا ہونے والے بچوں میں سے ایک ابھی ہسپتال میں ہے۔اسرائیلی بمباری، در بدری، خوراک کی کمی اور صحت کی ناپید سہولتوں نے ننھے فرشتوں کے ماں باپ کو خوشیاں منانے سے محروم کر دیا۔اسرائیلی حملوں اور دھمکیوں کے بعد فلسطینی خاتون اپنے اہلخانہ کے ساتھ شمالی غزہ سے در بدر ہو کر دیر البلاح کے پناہ گزین کمیپ میں پناہ لینے پر مجبور ہو گئی تھیں۔فلسطینی وزارت صحت کے مطابق غزہ میں 50 ہزار فلسطینی حاملہ خواتین مناسب خوراک اور صحت کی سہولتوں کے بغیر غیر انسانی حالات کا سامنا کرتے ہوئے جان جانے کے شدید خطرات سے دو چار ہیں۔