فاروق آباد (نمائندہ خصوصی) سابق وزیراعظم اور ن لیگ کے صدر میاں شہباز شریف آج فاروق آباد کی شاہین گرائونڈ میں دوپہر ایک بجے جلسہ عام سے خطاب کریں گے۔ جلسہ کے انتظامات کے سلسلہ میں سابق وفاقی وزیر تعلیم رانا تنویر حسین نے  سردار محمد شہزاد ڈوگر، سردار محمد عرفان ڈوگر، حلقہ پی پی 143 کے امیدوار خان جہانزیب خان، حلقہ پی پی 144کے امیدوار چودھری طارق محمود آف گرمولا، رانا جمشید احمد خان، رانا ممتاز محمود مون خان کے ہمراہ جلسہ گاہ گئے۔ یہاں پر ڈی پی او شیخوپورہ زاہد نواز مروت نے جلسہ کے سکیورٹی انتظامات سے متعلق بریفنگ دی۔سابق وزیراعظم اور مسلم لیگ ن کے صدر شہباز شریف نے کہا ہے کہ شیخوپورہ کے عوام کے پاس آج 30 نومبر کو نواز شریف کا پیغام لیکر حاضر  ہوں گا۔ شیخوپورہ نے ہمیشہ ثابت کیا کہ یہ شہر نواز شریف اور ن لیگ کا قلعہ ہے۔ نواز شریف کو موقع ملا تو ترقی کا سفر وہیں سے شروع ہو گا جہاں 2017 ء میں سازش کے ذریعے روکا گیا تھا۔