لاہور (نامہ نگار) شہر کے مختلف علاقوں میں ڈاکوؤں اور چوروں نے ڈکیتی وچوری کی متعدد وارداتوں میں شہریوں سے لاکھوں روپے مالیت کی نقدی، طلائی زیورات، موبائل فون، موٹرسائیکلیں، گاڑیاں اور دیگر سامان لوٹ لیا ہے۔ تفصیلات کے مطابق ڈاکوؤں نے ڈیفنس کے علاقے میں شاہنواز کے گھر میں گھس کر اہلخانہ کو گن پوائنٹ پر یرغمال بنا کر ساڑھے 6 لاکھ روپے مالیت، شاہدرہ ٹاؤن کے علاقے میں قدیر اور اس کی فیملی سے 4لاکھ روپے مالیت کی نقدی، زیورات اور موبائل فون، مصطفیٰ ٹاؤن کے علاقے میں امجد سے 2لاکھ روپے اور موبائل فون، کوٹ لکھپت کے علاقے میں سے ڈاکو جان محمد سے ڈھائی لاکھ روپے اور موبائل فون ،شاہدرہ کے علاقے میں سراج سے 2 لاکھ 40 ہزار روپے اور موبائل، راوی روڈ کے علاقے میں سے ایک جمیل سے لاکھ روپے اور موبائل فون، ملت پارک کے علاقے میں خرم سے 12ہزار روپے اور موبائل فون، باٹا پورکے علاقے میں جواد سے 4ہزار روپے اور موبائل فون لوٹ لیا اور فرار ہوگئے ہیں۔ چوروں نے مناواں کے علاقے میں لطیف کے گھر سے 13لاکھ 75ہزار روپے مالیت کی نقدی، طلائی زیورات اور دیگر سامان جبکہ شیراکوٹ کے علاقے میں سرور کی فیکٹری سے 11لاکھ 30ہزار روپے مالیت کی نقدی اور سامان چوری کر لیا ہے۔ چوروں نے جنوبی چھاؤنی، ماڈل ٹاؤن، ہنجروال اور جوہر  ٹاؤن کے علاقوں میں سے 4 کاریں، اقبال ٹاؤن کے علاقے میں سے رکشہ جبکہ سندر، مانگا منڈی، گڑھی شاہو، شفیق آباد، غالب مارکیٹ، سبزہ زار اور فیکٹری ایریا کے علاقوں  میں سے 7 موٹر سائیکلیں چوری کرلی ہیں۔