قصور(نمائندہ نوائے وقت)ارشد نے پولیس تھانہ صدرمیں اطلاع دی ہے کہ گاؤں دولے والا میرے گھر سے چور 2 لاکھ روپے ، دو تولہ طلائی زیورات و دیگر قیمتی سامان لے گئے ہیں۔ نامعلوم نے تھانہ تھہ شیخم میں اطلاع دی ہے کہ چارڈاکوؤں نے حویلی پھاڑیانوالی کے قریب ہم سے طلائی زیورات، نقدی و دیگر سامان لوٹ لیا۔ شفیق نے تھانہ راجہ جنگ میں اطلاع دی کہ حویلی نظام پورہ میرے گھر سے چور تین لاکھ روپے، طلائی زیورات و دیگر سامان لے گئے۔ کبیر نے بھی تھانہ کوٹ رادھا کشن میں اطلاع دی کہ بھمبہ خورد کے قریب دوڈاکوؤں نے موٹر سائیکل، موبائل اور نقدی لوٹ لی ہے۔