شیخوپورہ: ایڈیشنل ڈپٹی کمشنر ریونیو کا رنگ روڈ پراجیکٹ کا دورہ
شیخوپورہ (نمائندہ خصوصی) وزیراعلیٰ پنجاب سید محسن نقوی کے حکم اور ڈپٹی کمشنر شیخوپورہ ڈاکٹر وقار علی خان کی خصوصی ہدایت پر ایڈیشنل ڈپٹی کمشنر ریونیو سیدہ تہنیت بخاری کا رنگ روڈ پراجیکٹ کا اچانک دورہ۔ ترقیاتی منصوبے کے معیار اور رفتار کا جائزہ لیا۔ ڈپٹی ڈائریکٹر ڈیویلپمنٹ طیب منیر نے ایڈیشنل ڈپٹی کمشنر ریونیو کو رنگ روڈ پراجیکٹ پر بریفنگ دی۔ ڈپٹی ڈائریکٹر انفارمیشن فیصل جاوید اور متعلقہ حکام بھی اس موقع پر موجود تھے۔ ایڈیشنل ڈپٹی کمشنر ریونیو سیدہ تہنیت بخاری نے رنگ روڈ منصوبے کی بروقت تکمیل یقینی بنانے پر زور دیتے ہوئے کہا کہ عوامی فلاح کے اس منصوبے کو مقررہ وقت میں مکمل کیا جائے۔
