میاں شمس کا ساتھیوں سمیت امیدوار پی پی 70 میر ابرار احمد بٹ کی حمایت کا اعلان
گوجرانوالہ(نمائندہ خصوصی)پی ٹی آئی کے سرکردہ رہنما میاں شمس عبداللہ پور والے نے اپنے تمام ساتھیوں اور خاندان سمیت امیدوار پی پی 70 میر ابرار احمد بٹ کی حمایت کا اعلان کر دیا۔ان کا کہنا تھا کہ میر ابرار کی علاقے کے لیے بلا تفریق خدمات اور علاقے کی محرومیوں کو دور کرنے کے لیے میدان عمل میں آنا علاقے کے لیے خوش آئند ہے،ان کا کہنا تھا کہ ہمیں اپنی پارٹیوں کو بالائے طاق رکھ کر میر ابرار کے شانہ بشانہ کھڑا ہونا چاہیے اور میر ابرار کو کامیاب کرانے کے لیے ہر ممکن کوشش کرنی چاہیے۔اس موقع پر رہنما مسلم لیگ (ن) امیدوار پی پی70 میر ابرار احمد بٹ نے حمایت کا اعلان کرنے پر تمام معززین کا شکریہ ادا کیا۔ انہوں نے کہا کہ میرا سیاست میں آنا صرف اور صرف عوام کی خدمت ہے‘ اپنے حلقے کے عوام کی محرومیاں دور کرنے کے اس مشن کی تکمیل کیلئے جو بھی میرے بس میں ہوسکا کروں گا۔
