شیخوپورہ (نمائندہ خصوصی) شیخوپورہ اور گردونواح میں سوئی گیس کی لوڈشیڈنگ نے صارفین کی زندگی اجیرن کر دی ہے دن میں تین مرتبہ گیس کی سپلائی سے عوام میں شدید غم و غصہ پایا جا رہا ہے گیس کی لوڈشیڈنگ کیخلاف ہائوسنگ کالونی ،پرانا شہر ،طارق روڈ بھکھی روڈ سمیت متعدد علاقوں میں احتجاجی مظاہرے بھی کیے گئے مظاہرین نے کہا کہ گرمیوں ،سردیوں میں گیس کی لوڈشیڈنگ نے عوام کا جینا دو بھر کر دیا ہے دوسری طرف محکمہ سوئی گیس نے گیس کے بلوں میں ہوشربا اضافہ کرکے عوام سے جینے کا حق بھی چھین لیا ہے صارفین نے وزیر اعظم پاکستان ،وفاقی وزیر پٹرولیم اور اوگرا کے اعلیٰ حکام سے مطالبہ کیا ہے کہ گیس کی لوڈشیڈنگ فوری طور پر ختم کی جائے ۔