قصور (نمائندہ نوائے وقت) حبیب آباد پتوکی کے نواح سے 5 روز قبل لاپتہ ہونے والی 17 سالہ لڑکی کی نعش کھیتوں سے مل گئی پولیس نے نعش کو پوسٹ مارٹم کیلئے تحصیل ہیڈ کوارٹر پتوکی منتقل کردیا۔ تفصیلات کے مطابق ریاض مسیح کی 17 سالہ بیٹی اقصیٰ ریاض 24 دسمبر کو گھر سے لاپتہ ہو گئی جسکی نعش 5 روز بعد کھیتوں سے مل گئی متوفیہ 17سالہ لڑکی اقصٰی ریاض کا ذہنی توازن درست نہیں تھا اور نعش گھر کے قریبی کھیتوں سے ملی ہے ایس ایچ او تھانہ صدر پتوکی عاطف نذیر نے میڈیا کو بتایا کہ لڑکی کی موت سردی کی وجہ سے ہوئی ہے۔ تحصیل ہیڈ کوارٹر پتوکی میں پوسٹ مارٹم کے بعد نعش ورثاء￿  کے حوالے کر دی گئی۔