نارنگ منڈی(نمائندہ نوائے وقت) کوٹ عبدالرحمان کی طیبہ بی بی فوتگی پر گئی ہوئی تھی اسی دوران چور گھرکے دروازے توڑ کر طلائی زیورات‘ اڑھائی لاکھ روپے اور گھر کا سامان لے گئے۔ بوڑھے اوٹھی کا رہائشی طلحہ اپنی ماں اور بہن کیساتھ سرکاری ہسپتال دوائی لینے آیا پارکنگ میں موٹرسائیکل کھڑی کی جو چوری ہو گئی۔ اونچا پنڈ کا رہائشی جہانگیر کالاخطائی میں شادی کی تقریب میں گیاہوا تھا کسی نے جیب سے موبائل نکال لیا بھٹے وڈھ میں شکیل کی حویلی سے بکرا چوری ہو گیا لاہوریانوالی میں چور خوشی کی حویلی سے ریڑھی چوری کر کے لے گئے شکرگڑھ کھاد سپلائی کرتے ہوئے نارنگ موڑ کے قریب نامعلوم افراد نے گاڑی سے 50 توڑے کھاد چوری کرلی۔