لاہور(سپورٹس رپورٹر)اسرائیلی جارحیت کیخلاف غزہ کے مظلوم فلسطینیوں کی حمایت میں عثمان خواجہ کے ردعمل پر آسٹریلوی وزیراعظم نے  اینتھونی البانی بھی کرکٹر کی حمایت کردی،پاکستان کیخلاف تین میچوں کی سیریز کے پہلے میچ سے قبل پریکٹس سیشن کے دوران آسٹریلوی اوپنر عثمان خواجہ نے فلسطینیوں کے حق میں آواز بلند کرنے والے جوتے پہن ٹریننگ کی تھی، جس میں فلسطینی عوام سے ہمدردی کے نعرے درج تھے،عثمان خواجہ کی فلسطینیوں سے اظہار یکجہتی کرتے ہوئے جوتے پر لکھا ہوا تھا کہ آزادی سب کا حق اور تمام زندگیاں برابر ہیں۔ جس پر آئی سی سی نے موقف اپنایا تھا کہ کرکٹر کو میچ کے دوران مبینہ سیاسی پیغام والے جوتے پہننے کی اجازت نہیں دی جائیگی۔بعدازاں عثمان خواجہ نے سیاہ پٹی باندھ کر میچ کھیلا تھا اور اپنا پیغام پہنچایا تھا تاہم آئی سی سی نے اس پر بھی کرکٹر کیخلاف جرمانہ عائد کردیا تھا۔ سڈنی ٹیسٹ میچ کے آغاز سے قبل آسٹریلو وزیراعظم انتھونی البانی نے دونوں ٹیموں کے اعزاز میں عشائیہ رکھا تھا، اس موقع پر انہوں نے عثمان خواجہ کو سراہتے ہوئے کہا کہ میں (خواجہ)کو اس جرات کیلئے مبارکباد دینا چاہوں گا جس نے انسانی اقدار کیلئے کھڑے ہوکر دکھایا، اس نے ہمت کا مظاہرہ کیا ہے اور یہ حقیقت کہ ٹیم نے اس کی حمایت کی،آسٹریلوی وزیراعظم کے الفاظ نے جہاں عثمان خواجہ کو راحت فراہم کی ہے وہیں انکی درخواست پر کرکٹ آسٹریلیا کی اہم میٹنگ کے بعد انھیں رواں سیزن میں بگ بیش میچ کے دوران بیٹ پر امن کی فاختہ کی تصویر لگانے کی اجازت بھی دی۔