ٹی ٹونٹی ورلڈکپ شیڈول کا اعلان‘پاکستان ‘بھارت ایک ہی گروپ میں شامل
لاہور(سپورٹس رپورٹر)رواں سال ہونے والے آئی سی سی مینز ٹی ٹونٹی ورلڈکپ کے شیڈول کا اعلان کر دیا گیا ہے۔2024 میں ہونے والا آئی سی سی ٹی ٹونٹی ورلڈکپ اس فارمیٹ کا نواں ٹورنامنٹ ہوگا جس کی میزبانی ویسٹ انڈیز اور امریکہ کریگا۔یہ میگا ایونٹ یکم جون سے 29 جون تک کھیلا جائے گا۔ویسٹ انڈیز 6 اور امریکہ کے 3 مقامات پر ٹورنامنٹ کے 55 میچز کھیلے جائیں گے۔ورلڈکپ کا افتتاحی میچ امریکہ اور کینیڈا کے درمیان ہوگا۔اس ایونٹ میں 20 ٹیموں شامل ہوں گی جنہیں 5، 5 ٹیموں کے چار گروپوں میں تقسیم کیا گیا ہے، ہر گروپ سے ٹاپ 2 سپر 8 کیلئے کوالیفائی کریں گی۔ 4، 4 ٹیموں کے 2 گروپس میں سے ٹاپ 2،2 ٹیمیں سیمی فائنل میں جگہ بنائیں گی۔پاکستان اور بھارت کو ایک ہی گروپ میں رکھا گیا ہے۔گروپ اے میںپاکستان، بھارت ،آئرلینڈ، امریکہ،کینیڈا‘گروپ بی میںانگلینڈ ‘آسٹریلیا، نمیبیا، سکاٹ لینڈ ، اومان‘گروپ سی میںنیوزی لینڈ، ویسٹ انڈیز، افغانستان، یوگینڈا، پاپوا نیو گنی‘گروپ ڈی میں جنوبی افریقہ، سری لنکا، بنگلہ دیش،نیدرلینڈز، نیپال شامل ہیں ۔ ٹی ٹونٹی ورلڈ کپ کے گروپ میچز یکم جون سے 18 جون تک ہوں گے، سپر 8 مرحلہ 19 سے 24 جون تک کھیلا جائیگا۔سیمی فائنلز 26 اور 27 جون جبکہ فائنل 29 جون کو بارباڈوس میں ہوگا۔پاکستان پہلا میچ 6 جون کو امریکہ ‘دوسرا میچ 9 جون کو بھارت ‘تیسرا میچ 11 جون کو کینیڈا اور چوتھا میچ آئرلینڈ کیخلاف 16 جون کو کھیلے گا۔
