لاہور(سپورٹس رپورٹر)پی سی بی کے زیر اہتمام لیول ون کوچنگ کورسز کے شیڈول کا اعلان کردیا گیا جس کے مطابق  پشاور کا اسلامیہ کالج 8 سے 11 جنوری تک چار روزہ لیول 1 کورس کی میزبانی کریگا، راولپنڈی کا پنڈی کرکٹ سٹیڈیم 14 سے 17 جنوری تک لیول 1 کورس کی میزبانی کرے گا، کراچی کا حنیف محمد ہائی پرفارمنس سینٹر 19 سے 22 جنوری تک لیول 1 کورس کی میزبانی کریگا۔ پی سی بی اعلامیہ کے مطابقسابق ٹیسٹ فاسٹ بائولر فضل اکبر ان 30 شرکاء میں شامل ہیں جنہوں نے چار روزہ لیول ون کرکٹ کوچنگ کورس کیلئے رجسٹریشن کرائی ہے،یہ کورس اسلامیہ کالج پشاور میں 8 سے 11 جنوری تک ہوگا۔ لیول ون کے دو دیگر کوچنگ کورس اس ماہ کے آخر میں راولپنڈی اور کراچی میں ہونیوالے ہیں۔ پنڈی کرکٹ سٹیڈیم میں14 سے 17 جنوری لیول ون کورس ہوگا جبکہ کراچی کا حنیف محمد ہائی پرفارمنس سینٹر 19 سے 22 جنوری تک کوچنگ کورس کی میزبانی کریگا۔لیول ون کورس کے شرکاء کو کوچنگ کی مہارتوں کی بنیادی باتیں سکھائی جائیں گی جن میں کمیونیکیشن، کوچنگ فلسفہ، منصوبہ بندی اور تیاری شامل ہیں۔پشاور میں یہ کورس ہائی پرفارمنس کوچز شاہد محبوب، محتشم رشید اور تیمور اعظم کرائیں گے۔کورس کے اختتام پر شرکاء کو اپنے اسائنمنٹس مکمل کرنے کیلئے تین ماہ کا وقت دیا جائیگا۔ کامیاب شرکاء کو لیول 1 کوچنگ سرٹیفکیٹ دیا جائیگا۔کورس کے شرکاء میں عبدالناصر‘ ابوبکر صدیق ‘ احمد زرین ‘ احمد خان ‘ اعزاز علی شاہ ‘ عالمگیر‘ فضل اکبر درانی‘ ہمایوں خان‘ حسین خان‘ افتخار احمد ‘ اعجاز احمد ‘امتیاز حسین‘ مامون خان ‘معراج علی ‘محمد اسماعیل‘محمد حماد‘ محمد حارث ‘ محمد عمران‘ محمد نبی‘ محمد ریاض‘ محمد عثمان‘ محمد عثمان ‘محمد عثمان وزیر ‘ مجیب الرحمان‘ روئل شاکر اللہ‘ سید محمد ظفر‘ شرافت شاہ شاہین‘ تاج ولی‘ واحد علی اور زبیر علی شامل ہیں ۔