اعصام الحق قریشی نے سپورٹس کمپلیکس چکوال میں نانا کے نام سے منسوب ٹینس کورٹ کا افتتاح کردیا
لاہور(سپورٹس رپورٹر)پاکستانی ٹینس سٹار اعصام الحق قریشی نے اوشین سپورٹس کمپلیکس چکوال میں اپنے نانا خواجہ افتخار احمد مرحوم کے نام سے منسوب ٹینس کورٹ کا افتتاح کر دیا۔ افتتاحی تقریب کے بعد اعصام الحق قریشی اور عقیل خان کے درمیان نمائشی میچ بھی کھیلا گیا جو اعصام الحق قریشی نے دلچسپ مقابلے کے بعد جیت لیا،شرکا نے اعصام الحق کے کھیل کو خوب سراہا۔چیف ایگزیکٹو فورم عباسی ٹونی نے کہا کہ میرا سپورٹس کمپلیکس بنانے کا مقصد نوجوانوں میں چھپے ٹیلنٹ کو سامنے لانا ہے۔تقریب میں چکوال جمور اف کانگریس کے بانی قاضی محمد اکبرکے علاوہ خواتین نے بھی شرکت کی۔
