شیخوپورہ (نمائند ہ خصوصی) مسلم لیگ(ن)کے سینئررہنماء سابق چیئر مین بلدیہ میاں امجد لطیف نے مختلف کارنر میٹنگز سے خطاب کرتے ہوئے کہا( ن ) لیگ پاکستان کی سب سے بڑی سیاسی جماعت ہے ۔بلاول بھٹو زرداری پنجاب کے جس مرضی شہر سے انتخاب لڑ کے دیکھ لیں ان کو اپنی سیاسی حیثیت کا علم ہو جائے گا۔ بلاول بھٹو اپنے قد سے زیادہ باتیں کرکے اپنی اہمیت بنانے کی ناکام کوشش کر رہے ہیں۔ پیپلز پارٹی نے ہمیشہ ملک کو تباہی کی طرف دھکیلا ذولفقار علی بھٹو نے ملک کو دولخت کیا بے نظیر بھٹو نے بھارت کو سکھ حریت پسندوں کی لسٹیں فراہم کی ،بلاول بھٹو زرداری اب پنجاب کے وسائل کو لوٹنے کیلئے پنجاب سے الیکشن لڑنے کی باتیں کر رہے ہیں۔اس موقع پرمیاں منور اقبال ، میاں رفاقت علی ،ملک عرفان اسلام ،میاں عرفان او ردیگر بھی موجود تھے۔