سرگودھا (نمائندہ خصوصی)رکشہ نہر میں گرنے سے ڈوبنے والے  7 اور 14 سالہ دونوں بچوں کی تاحال نعشیں نہ ملنے پر علاقہ بھر میں منادی کروا کر ان کی تلاش کے لئے لوگوں کو بھی متحرک کر دیا گیا۔ سرگودھا ریجن کے علاقہ ڈھیر یارو والا پل میانوالی میں رکشہ نہر میں گرنے سے دو افراد کو بچا لیا گیا جبکہ  7 سالہ اور 14 سالہ دو بچے ڈوب گئے۔ ریسکیو آپریشن کے کئی گھنٹے جاری رہنے کے باوجود دونوں بچوں کا کچھ پتہ نہ لگ سکا۔ قریبی علاقوں میں منادی کروا کر  لوگوں کو متحرک کر دیا گیا۔