فیصل آباد (نمائندہ خصوصی) گیس لیکج کے باعث گرلز ہاسٹل میں آگ لگنے سے تین طالبات جھلس گئیں۔ تفصیل کے مطابق جی سی یونیورسٹی کے قریب دھوبی گھاٹ گلی نمبر آٹھ میں واقع نجی گرلز ہاسٹل کے کچن میں لیکج کے باعث گیس بھر گئی۔ گذشتہ صبح ایک طالبہ نے چائے بنانے کے لیے آگ جلائی تو گیس بھری ہونے کے نتیجے میں دھماکہ ہو گیا اور کھڑکیوں کے شیشے ٹوٹ گئے اور تین طالبات جھلس گئیں۔ ایک طالبہ کو تشویشناک حالت میں ہسپتال منتقل کر دیا گیا ہے۔