راولپنڈی (اپنے سٹاف رپورٹر سے) تھانہ نصیرآباد کے علاقہ گولڑہ موڑ میں جے یو آئی کے رہنما ء مولانا ریحان جمیل کو فائرنگ کر کے زخمی کردیا گیا جے یو آئی کے شعبہ نشرو اشاعت این اے 46 اسلام آباد نے بیان میں کہا کہ گولڑہ موڑ میں نامعلوم افراد کی فائرنگ سے مولانا ریحان جمیل شدید زخمی ہوگئے ہیں جنہیں کمپلیکس ہسپتال اسلام آباد منتقل کردیا گیا ہے دریں اثناء راولپنڈی پولیس کے ترجمان نے کہا کہ فائرنگ کے واقعہ کا کوئی مذہبی یا سیاسی پہلو نہیں ہے طیب نامی لڑکے کے اغواء کا مقدمہ 4 جنوری کو تھانہ نصیر آباد میں درج ہوا تھا مولانا ریحان جمیل نے طیب اور اغواء کار سلمان کو اکٹھے دیکھ کر روکنے کی کوشش کی تو ملزم نے فائر کردیا مولانا ریحان جمیل کو فوری طور پر ہسپتال منتقل کیا گیا فائرنگ میں ملوث ملزم کو گرفتارکر کے قانون کے کٹہرے میں کھڑا کیا جائیگا۔