لاہور(نیوز رپورٹر)میجر جنرل پروفیسر ڈاکٹر نعیم نقی (ر)، ایچ آئی (ایم) نے لاہور میڈیکل اینڈ ڈینٹل کالج (LMDC)کو بطور پرنسپل جوائن کر لیا۔ LMDC کو جوائن کرنے سے پہلے وہ سی ایم ایچ لاہور میڈیکل کالج اینڈ انسٹی ٹیوٹ آف ڈینٹسٹری کے سی ای/ پرنسپل کے طور پر خدمات سر انجام دے رہے تھے۔میجر جنرل پروفیسر ڈاکٹر نعیم نقی (ر) نے آرمی میڈیکل کالج راولپنڈی سے ایم بی بی ایس کے بعدکالج آف فزیشنز اینڈ سرجنز پاکستان سے میڈیسن میں فیلوشپ حاصل کی۔ بعد ازاں رائل انفرمری گلاسگو یوکے اور ایم ڈی اینڈرسن کینسر سنٹر یو ایس اے میںمیڈیکل آنکولوجی میں آن جاب ٹریننگ کی۔2002 میںکالج آف فزیشنز اینڈ سرجنز پاکستان سے میڈیکل آنکولوجی میں فیلوشپ حاصل کی۔ انہیں2010 میں ایشین کلینیکل آنکولوجی سوسائٹی جاپان کی9 ویں بین الاقوامی کانفرنس میں بہترین تحقیقی مقالے کے لیے کوبایشی فاؤنڈیشن ایوارڈ سے نوازا گیا۔