لاہور(سپورٹس رپورٹر ) سپورٹس ڈیپارٹمنٹ پنجاب کے زیر اہتمام انڈر16ٹیلنٹ ہنٹ پروگرام کے تحت انٹر ڈویژن بیڈمنٹن چیمپئن شپ کے بوائز سنگلز میں ملتان کے احمد عثمان اور فیصل آباد کے خزیمہ شہزادفائنل میں پہنچ گئے جبکہ گرلزسنگلز میں راولپنڈی کی سمین فیصل اور گوجرانوالہ کی حمنا ارشاد نے فائنل کیلئے کوالیفائی کرلیاہے۔ بوائز سنگلز کے پہلے سیمی فائنل میں ملتان کے احمد عثمان لاہور کے شاہ زیب کو 2-0سے ہراکر فائنل میں پہنچ گئے۔ دوسرے سیمی فائنل میں فیصل آباد کے خزیمہ شہزاد نے بہاولپور کے حسیب کو2-0سے ہرا کر فائنل میں جگہ بنائی۔ گرلز کے بیڈمنٹن سنگلز کے پہلے سیمی فائنل میں راولپنڈی کی سمین فیصل نے گوجرانوالہ کی سمیحہ نوید کو2-0سے ہراکرفائنل میں پہنچ گئی، دوسرے سیمی فائنل میں گوجرانوالہ کی حمنا ارشاد نے راولپنڈی کی عائشہ ملک کو2-0سے ہراکر فائنل میں جگہ بنالی۔ فائنل مقابلے آج ہوں گے۔