لاہور(نامہ نگار)شاہدرہ ٹاؤن کے علاقے میں سکول ٹیچر کے چہرے پر تیزاب پھینکنے والے دو ملزموںکو پولیس مقابلے کے بعد زخمی حالت میں گرفتار کر لیا گیا جبکہ دونوں زخمی ملزموں کو طبی امداد کے لئے ہسپتال منتقل کردیا گیا ۔پولیس کے مطابق دوران چیکنگ کالاخطائی ٹی پوائنٹ پر پولیس ٹیم نے2 موٹر سائیکل پر سواروں کو روکنے کی کوشش کی،جس پر موٹر سائیکل سواروں کی جانب سے پولیس ٹیم پر فائرنگ کردی گئی۔پولیس کی جانب سے جوابی فائرنگ کی گئی۔جس سے دو ملزموں یاسر اور نوید زخمی ہو کر گرگئے۔