لاہور(سپورٹس رپورٹر)سربیا کے ٹینس سٹار نواک جوکووچ کی آسٹریلین اوپن کے دوران کرکٹ کھیلنے کی ویڈیو سوشل میڈیا پر وائرل ہوگئی۔سماجی رابطے کی سائٹ ٹوئٹر (ایکس)ویڈیو وائرل ہورہی ہے جس میں دیکھا جاسکتا ہے کہ سربیا سے تعلق رکھنے والے نواک جوکووچ ٹینس کورٹ میں کرکٹ کھیلتے دکھائی دے رہے ہیں جبکہ انکے حریف نے انہیں بائولنگ کروائی۔حریف کھلاڑی نے ٹینس سٹار کو پہلی بال کروائی جس پر وہ شارٹ کھیلنے میں ناکام رہے جبکہ دوسری گیند پر انہوں نے بیٹ پھینک کر گیند کو ٹینس سے ہٹ کیا جو شائقین کے درمیان جاگری۔ویڈیو سوشل میڈیا پر تیزی سے وائرل ہورہی ہے جبکہ مداح ان کے کرکٹ سے لگائو کو بھی داد دے رہے ہیں۔آسٹریلوی کرکٹر سٹیو سمتھ نے نوواک جوکووچ کیساتھ ٹینس کھیلی ۔