پشاور(این این آئی) پاکستان تحریک انصاف میں ٹکٹ کی تقسیم پر اختلافات سامنے آگئے۔ میڈیا رپورٹ کے مطابق رہنما خورشید عالم نے کہا کہ پارٹی قیادت پیراشوٹ پر لوگوں کو لا کر ہم پر مسلط کررہی ہے۔پی کے 78 پر پی ٹی آئی کے امیدوار ارباب عاصم پر مقامی قیادت نے اعتراض کیا۔پی ٹی آئی پشتخرہ کے صدر خورشید عالم اور خالد خان نے گفتگو کرتے ہوئے بتایا کہ ارباب عاصم سے ٹکٹ واپس نہیں لیا گیا تو اس کے خلاف آزاد امیدوار کھڑا کریں گے۔سابق کونسلر خالد خان نے کہا کہ پی ٹی آئی قیادت غلط فیصلے کررہی ہے، ہم کوئی غلام نہیں کہ پیراشوٹ پر آنے والوں کو قبول کریں۔