لاہور(کامرس رپورٹر ) چیئرؒمین پلاننگ اینڈ ڈیویلپمنٹ بورڈ افتخار علی سہو نے سفاری زو اور رنگ روڑ کا دورہ کرکے وہاں جاری ترقیاتی کاموں کا جائزہ لیا۔ سفاری پارک پہنچے پر سیکرٹری جنگلات مدثر وحید ملک اور ڈی جی وائلڈ لائف مبین الٰہی نے چیئرمین پی اینڈ ڈی کا استقبال کیا اور انہیں لاہور سفاری زو پراجیکٹ بارے بریفنگ دیتے ہوئے بتایا کہ اس منصوبے کی بروقت تکمیل کیلئے یہاں ہفتے کے ساتوں دن 24 گھنٹے کام جاری ہے اور جلد اس کا مین گیٹ، پارکنگ ، ریسیپشن ایریا ، پلے ایریا، کیمپنگ ایریا ، جانوروں کیلئے مخصوص جگہیں اور دیگر زیر تعمیر کام مکمل ہو جائیں گے۔