اوکاڑہ (حافظ حسنین رضا سے) اوکاڑہ فٹ بال گرائونڈ میں مسلم لیگ (ن) کا بڑا پاور شو آج ہو گا، انتظامات مکمل۔ مریم نواز خطاب کریں گی جلسہ کے انتظامات کی نگرانی نعمت فیملی کے سربراہ بانی چیمبر آف کامرس اینڈ انڈسٹری چوہدری ارشد اقبال اور مسلم لیگ ن کے سرگرم رکن چوہدری فیاض ظفر کر رہے ہیں جلسہ گاہ میں بنائے جانے والے مرکزی سٹیج کی اونچائی 20 فٹ  سٹیج کی لمبائی 88 فٹ اور چوڑائی 24 فٹ رکھی گئی جب کہ قائدین کے خطاب کرنے کی مختص کردہ جگہ کو 20 فٹ عوام کی طرح  ایڈجسٹ کیا گیا۔ قائدین عوام کے بیچ خطاب کرتے نظر آئیں اس کے ساتھ پنڈال کے اندر اور باہر جلسہ گاہ کے مرکزی سٹیج پر 10×40 سائز کی بڑی ایس ایم ڈی سکرین جبکہ جلسہ گاہ کے درمیان میں بھی ایک10×20 کی ایس ایم ڈی سکرین نصب کی گئی ہے۔ تقریبا 15 ہزار کے قریب جلسہ گاہ میں کرسیاں لگائی گئی ہیں جہاں مرد اور خواتین کے الگ الگ بیٹھنے کا انتظام کیا گیا ہے۔ 200 پول پر ایل ڈی لائٹس نصب کر دی گئی ہیں جن کو چالو رکھنے کے لیے درجنوں ہیوی جنریٹرز لگائے گئے ہیں۔ مرکزی سٹیج کے اوپر قائدین اور مقامی قیادت کے لیئے کرسیاں لگائی گئی ہیں جہاں محترمہ مریم نواز صاحبہ کے ہمراہ مسلم لیگ (ن) کی مرکزی اور مقامی قیادت ہو گی۔ جلسہ گاہ میں داخلے کے لئے 8 دروازے بنائے گئے ہیں جہاں واک تھرو گیٹ نصب کئے گئے ہیں۔ مسلم لیگ ن کے سرگرم لیڈر چوہدری فیاض ظفر کارکنوں کے ہمراہ پچھلے 3 دن سے جلسے کے انتظامات کرانے میں مصروف ہیں۔ جلسہ گاہ کے  اندر اور اطراف میں پاکستانی پرچم، مسلم لیگی پرچم اور ن لیگ کے مرکزی قائدین ومقامی ن لیگی راہنماوں کی تصویریں فلکیسز لگا کر سجا دیا گیا ہے۔ جلسہ کے انتظامات کی نگرانی نعمت فیملی کے سربراہ بانی چیمبر آف کامرس اینڈ انڈسٹری اوکاڑہ چوہدری ارشد اقبال کر رہے ہیں۔ ڈی پی او اوکاڑہ منصور امان نے پولیس سکیورٹی کے لیے اضافی نفری طلب کر لی ہے۔