فیروزوالہ( نامہ نگار )ڈکیتی، راہزنی اور چوری کی متعددوارداتوں میں شہری متعددافراد لٹ گئے۔ کوٹ عبدالمالک کے قریب ڈاکو تاجرشیخ الیاس کے گھر میں گھس کر اہلخانہ کویرغمال بنا کر لاکھوں روپے مالیت کے طلائی زیورات، اور ساڑھے تین لاکھ روپے کی رقم لوٹ کرفرارہو گئے ۔ڈاکو علی الصبح محنت کشوں نصراللہ اور اشرف سے موبائل اور ندی چھین کر لے گئے، جی ٹی روڈ کی آبادی ظفرپارک میںچورشیرعلی کے گھر کے تالے توڑ کر 10 لاکھ روپے مالیت کے طلائی زیورات، نقدی اوردیگر قیمتی سامان چوری کر کے فرار ہو گئے۔ جی ٹی روڈ پر اچنا ٹاؤن کے قریب ڈاکو موٹر سائیکل سوار دو افراد سے تین موبائل اور نقدی چھین کر فرار ہو گئے۔ خانپور کے قریب ڈاکو مچھلی کی دکان میں داخل ہو کر اس کے مالک سے ایک لاکھ روپے رقم اور دو موبائل چھین کر لے گئے۔