لاہور(نامہ نگار)شہر میں مختلف واقعات میں 3نامعلوم افراد جان کی بازی ہار گئے۔پولیس نے نعشیں مردہ خانے منتقل کر کے قانونی کارروائی کا آغاز کر دیا ہے۔دربار گیٹ نمبر 4 کے قریب سے 40 سالہ نامعلوم شخص بے ہوشی کی حالت میں ملا،جسے طبی امداد کیلئے ہسپتال لے جایا گیا جہاں وہ دوران علاج دم توڑ گیا۔ ٹبی سٹی کے علاقے علی پارک کے قریب 45 سالہ نامعلوم شخص کی نعش برآمد ہوئی ہے۔ جاں بحق ہونے والے دونوں افراد نشے کے عادی تھے اور نشے کی زیادتی کے باعث جاں بحق ہوئے۔ سندر کے علاقے ملتان روڈ پر 35 سالہ شخص سڑک عبور کر رہا تھا کہ تیز رفتار ٹرک نے کچل ڈالا،جس سے وہ موقع پر ہی دم توڑ گیا ہے۔ متعلقہ تھانوں کی پولیس نے ضروری کارروائی کے بعد نعشیں ایدھی ایمبولینس کے ذریعے مردہ خانہ منتقل کر کے لواحقین کی تلاش شروع کر دی ہے۔