لاہور (سپورٹس رپورٹر ) ایف آئی ایچ فائیو سائیڈ ہاکی ورلڈ کپ کیلئے پاکستان ہاکی ٹیم کا اعلان ہوگیا۔ ایف آئی ایچ ہاکی مینز ورلڈ کپ 28 سے 31جنوری تک عمان کے شہر مسقط میں کھیلا جائیگا، دنیا بھر کی 32 ٹیمیں حصہ لیں گی۔ہاکی اولمپک کوالیفائر کی میزبانی پاکستان سے عمان منتقل کرنے کا فیصلہ ایف آئی ایچ نے کیا تھا، پول اے میں برطانیہ، ملائیشیا، پاکستان اور چین شامل ہیں جبکہ پول بی میں جرمنی، نیوزی لینڈ، کینیڈا اور چلی شامل ہیں۔ایونٹ کیلئے پاکستان ہاکی ٹیم کا اعلان ہوگیا ‘ عبداللہ اشتیاق، وقار علی، محمد عبداللہ، عماد شکیل بٹ شامل ہیں۔معین شکیل، عبدالحنان شاہد، غضنفر علی، زکریا حیات، رانا عبدالوحید اشرف اور ارشد لیاقت شامل ہیں۔ٹیم مینجمنٹ میں ہیڈ کوچ/ منیجر اولمپیئن شکیل عباسی،کوچ اولمپیئن دلاور حسین، وقاص محمود فزیوتھرپسٹ شامل ہیں۔پی ایچ ایف کا کہنا ہے کہ اولمپک کوالیفائر ایونٹ میں کارکردگی دکھانے والے کھلاڑیوں کو ٹیم میں شامل کیا جا سکے گا۔