فیروزوالہ( نامہ نگار) لاہور روڈ کی آبادی چھتہ کھوہ میں تقریبا ایک درجن کے قریب ڈاکوؤں نے زمیندار فیصل محمود کے گھر میں دیواریں پھلانگ کر داخل ہو گئے ‘ غیر ملکی کرنسی اور 40 لاکھ روپے مالیت کا سامان لوٹ کرلے گئے جس میں 11 لاکھ روپے ،2500 ڈالر ،2100 رنگٹ ،قیمتی موبائل اور زیورات وغیرہ شامل ہیں۔ متاثرہ خاندان نے پولیس کو واقعہ کے بارے میں اطلاح کر دی۔ پولیس اور فرانزک ٹیم  شواہد اکٹھے کر لئے۔ گرڈ سٹیشن لاہور روڈ پر ڈاکو دن دیہاڑے مقامی شہری منیر احمد سے گن پوائنٹ پر پانچ لاکھ روپے چھین کر فرار ہو گئے۔وہ یہ رقم بینک سے نکلوا کر گھر لے جا رہا تھا۔ چوہدری سٹاپ لاہور روڈ کے قریب ڈاکو محنت کش مقصود  احمد سے موٹرسائیکل چھین کرفرار ہو گئے ۔ونڈالہ روڈ پر تین ڈاکو کباڑیا محمد عمر کی دکان پرسے گن پوائنٹ پرہزاروں روپے رقم اور موبائل چھین کر فرار ہوگئے۔