ساہیوال میں سی ٹی ڈی کی کارروائی‘ کالعدم تنظیم کا دہشت گرد گرفتار‘ بارودی مواد برآمد
ساہیوال (نمائندہ نوائے وقت) سی ٹی ڈی ساہیوال نے کارروائی کر کے کالعدم تنظیم کے دہشتگرد سے بارودی مواد برآمد کر کے ملزم کو گرفتار کر لیا۔ تفصیلات کے مطابق کالعدم تنظیم کے دہشتگرد اسامہ فاروق کی بونگہ حیات کے قریب اطلاع ملی جس پر سی ٹی ڈی پولیس ٹیم نے ریڈ کرکے ملزم کو گرفتارکرکے اس کے قبضہ سے بارودی مواد آئی ای ڈی اور ڈیٹونیٹر وغیرہ برآمد کرلیا۔ ملزم کا کالعدم تنظیم سے تعلق ہے اور جام پور کا رہائشی ہے۔
