کراچی (نوائے وقت رپورٹ) آصفہ بھٹو زرداری نے کہا ہے آپ چاہتے ہیں نوجوانوں کا مستقبل روشن ہو تو بلاول کی آواز بنیں، تیر کو ووٹ دیں۔کراچی میں انتخابی مہم کے دوران آصفہ بھٹو زرداری ابراہیم حیدری پہنچ گئیں، کارکنوں نے آصفہ بھٹو زرداری کا پرتپاک استقبال کیا، پھولوں کی پتیاں نچھاور کیں۔آصفہ بھٹو زرداری نے خطاب کرتے ہوئے کہا آپ  چاہتے ہیں آپ کو صحت کارڈ ملے تو بلاول بھٹو کو کامیاب کرائیں، آپ نے 8 فروری کو ووٹ تیر کو دینا ہے، بلاول بھٹو نے عوام دوست منشور دیا ہے، آپ نے 8 فروری کو ووٹ تیر کو دینا ہے۔انہوں نے کہا کہ آپ چاہتے ہیں کہ 300 یونٹ بجلی مفت ملے اور تنخواہ دگنی ہوتو پیپلزپارٹی کو ووٹ دیں، اگر آپ چاہتے ہیں معیاری مفت علاج ملے تو ہمارا ساتھ دیں، آپ چاہتے ہیں نوجوانوں کا مستقبل روشن ہوتو بلاول کی آواز بنیں، آپ سب بلاول کو کامیاب کریں۔