حافظ آباد(نمائندہ نوائے وقت) حافظ آباد میں سوئی گیس اور بجلی کی غیر اعلانیہ لوڈشیڈنگ عروج پر پہنچنے سے شہری پریشان۔ دن اور رات کے دوران گیس کی بندش کا دورانیہ بیس گھنٹے سے تجاوز کرنے لگا جس کی وجہ سے گھروںمیں کھانا پکانا محال ہوگیا جبکہ چند گھنٹے کے لئے جو گیس آتی ہے اس کا پریشربھی اسقدر کم ہوتا ہے جس پر ناشتہ بھی تیار نہیں کیا جاسکتا۔ دوسری جانب مرمت کے نام پر ساراسارا دن بجلی بند رکھنا معمول بن گیا جس کی وجہ سے نہ صرف کاروبار تباہ ہورہے ہیں بلکہ شہری حکمرانوںکو بھی کوسنے لگے ہیں۔