لاہور(نیوز رپورٹر)پاکستان مسلم لیگ (ن) کے ممتاز رہنماء اورہردلعزیزسیاسی وسماجی شخصیت امجد شہزاد فرزندنے کہا ہے کہ انتھک خواجہ سعد رفیق نے این اے122کی کایا پلٹ دی ہے۔این اے122کیلئے مسلم لیگ (ن) کے نامزدامیدوارخواجہ سعدرفیق ہمارے قائدمیاں نوازشریف کاحسن انتخابجبکہ نظریاتی سیاست کے علمبردار ہیں۔این اے122کے ووٹرز کیلئے خواجہ سعد رفیق واحدآپشن ہیں کیونکہ پوش اورسفید پوش آبادیوں میں ان کاکام بولتا ہے۔خواجہ سعد رفیق کی سیاسی بصیرت اورفہم وفراست سے ان کے والدین خواجہ رفیق شہید اور بیگم فرحت رفیق کی تربیت جھلکتی ہے۔ عوام کی فلاح اورنظام کی اصلاح خواجہ سعد رفیق کی ترجیحات میں سرفہرست ہے۔وہ فطری طور پر مصلحت پسند نہیں بلکہ مزاحمت کار ہیں۔ وہ پرویز ی آمریت سمیت ہرفوجی آمر کیخلاف استقامت سے بھرپورمزاحمت کرتے رہے ہیں۔