لا ہور(کامرس رپورٹر )ٹریڈ ڈویلپمنٹ اتھارٹی آف پاکستان کے زیر اہتمام لاہور ایکسپو سنٹر میں انجینئرنگ اینڈ ہیلتھ کیئر شو2024 کے تیسرے ایڈیشن کا گزشتہ روز اختتام ہو گیا۔ یہ سالانہ فلیگ شپ ایونٹ انجینئرنگ اور صحت کے شعبوں میں پاکستان کی مہارت کی علامت بن گیا ہے، جس میں عالمی مندوبین، نمائش کنندگان اور صنعت کے رہنماؤں کو اکٹھا کیا گیا ہے۔ای ایچ سی ایس کے اس ایڈیشن میں، 60 سے زائد ممالک سے تعلق رکھنے والے 650 غیر ملکی مندوبین نے 190 شرکت کرنے والے نمائش کنندگان کی متحرک نمائشوں کا دورہ کیا۔