لاہور(سپورٹس رپورٹر)نیشنل ویمنز ٹی ٹونٹی ٹورنامنٹ میں کراچی‘لاہور اور ملتان نے کامیابی حاصل کی۔ لاہور نے راولپنڈی کو 20 رنز سے ہرادیا۔لاہور نے8  وکٹوں پر 147 رنز بنائے۔ سدرہ امین نے50  رنز بنائے۔وحیدہ اختر نے3 وکٹیں حاصل کیں۔راولپنڈی کی ٹیم جواب میں 8 وکٹوں پر 127  رنز بناسکی۔نتالیہ پرویز نے 62 رنز بنائے۔سدرہ امین اور نتالیہ پرویز پلیئرز آف دی میچ قرار پائیں۔ کراچی نے پشاور کیخلاف 9 وکٹوں سے کامیابی حاصل کی۔پشاور نے5 وکٹوں پر96  رنز بنائے۔ تہذیب شاہ 33 رنز کیساتھ ٹاپ سکورر رہیں۔عروب شاہ نے2 وکٹیں حاصل کیں۔کراچی نے ایک وکٹ پر ہدف پورا کرلیا۔جویریہ خان نے  49 رنز بنائے۔ یسریٰ عامر نے 37 رنز کی اننگز کھیلی۔پہلی وکٹ کی شراکت میں 85 رنز کا اضافہ کیا۔پلیئر آف دی میچ ایوارڈ جویریہ خان نے حاصل کیا۔ملتان نے کوئٹہ کو9 وکٹوں سے شکست دیدی۔کوئٹہ نے 9 وکٹوں پر 103  رنز بنائے۔ نورالایمان اور تسمیہ رباب نے دو دو وکٹیں حاصل کیں۔ملتان نے ہدف ایک وکٹ پر پورا کرلیا۔علینہ مسعود نے54 رنز بنائے اور ناٹ آؤٹ رہیں۔ گل فیروزہ نے 38 رنز بنائے۔ علینہ مسعود کو پلیئر آف دی میچ ایوارڈ دیا گیا۔